Geheimrat

Dr Ghäimi Root isch in de Territorie vom Häilige Röömische Riich und de spöötere dütsche Monarchie e Kollegium vo Rööt gsi, wo diräkt under em Fürst gstande isch und mäistens au under däm sim Vorsitz über die wichdigste Aagläägehäite vom Land beschlosse het, bsundrigs über s Erloo vo Verordnige. In freije Riichsstedt het dr sogenannt Chläi Root as Ghäime Root gulte. Dä isch für die ganzi Finanz- und Ussepolitik vo dene Stadtstaate zueständig gsi.

D Mitgliider vom Ghäime Rootskollegium häi dr Ditel Ghäime Root oder au Ghäimroot dräit.

Z Baasel het dr Drizäänerroot as Ghäime Root gulte. Er het us acht bis fuffzää Haimlige vom Root bestande, im Underschiid zu de Haimlige vo Burger, das häisst vom Groosse Root.